Qızılgül
Seher saat 8-de yola çıxdıq. Hava çox gözel idi. Dünen növbeti yaz yağışı yağmışdı, ona göre de, indi nem torpaqdan yenice göyermiş otların xoşagelen iyi gelirdi. Semada topa-topa leng hereket eden boz buludlar ise gözel bir menzere yaratmışdılar. Bu zaman keçen il dağların başında gördüyüm buludlar yadıma düşdü. Onlar bizim olduğumuz yükseklikden aşağıda idiler ve göyden asılmış kimi görünürdüler. Maşının yan penceresini aşağı endirdim ve bayaqdan heyranlıqla seyr etdiyim tebietin iyini canıma çekdim. Yaz yağışı… Rayonda hemişe yaz vaxtı yağış yağanda şimşek çaxardı, amma Bakıda hele bir defe de olsun gurultulu şimşek çaxmasını görmemişem. Dünen rayonda yaşayan babamla telefonda danışanda, dedi ki, ora hele yağış yağmayıb, hava bir az buludludur. Deyirem, indi bextimizden sabah keçirilecek toyda yağış yağacaq ve biz hemişe rayonda gördüyümüz mağar toyunun lezzetini ala bilmeyecik. Bele bir hadise üç-dörd il evvel baş vermişdi. O vaxtları bir yaxın qohumumuzun toyunda yağış yağmağa başladı. Hamı suyun içinde idi. Amma yaxşı ki, bir saat möhkem yağan yağışın ardından buludların arasında gizlenmiş güneş ireli çıxaraq özünü gösterdi. Indi de, inşallah, bu toyda yağış yağmaz. Hem de fikirleşirem ki, bir az dincelmiş olaram. Bu 11-ci sinifde oxuduğuma göre, heftenin bütün günleri hazırlıqlara gedirem. Yayda ali mekteblere qebul imtahanları olacaq. Düzü, narahatlığım yoxdur, sadece, her gün kitab oxumaq, üstelik, fasilesiz şekilde, adamı heddinden artıq yorur. Amma görek de, yeqin ki, bu toy mene bu yorğunluğu unutdurar, eyni keçen günlerime bir reng qatmış olar.
Hele keçen il söhbet gedirdi ki, babamın qardaşı nevesini evlendirsinler. Artıq yaşı 25-i keçmişdi, özü de rayonda maşın alıb, taksi işledirdi. Nehayet, bir gün qerara geldiler ki, bu il may ayında toyu keçirtsinler. Evvel bey toyu rayonda yenice istifadeye verilmiş şadlıq sarayında keçirtmeyi teklif etdi, amma hemişe mağar toyu görmüş babam ve diger yaşlı insanlar onunla razılaşmadılar ve toyu beygilin evlerinde - dede-baba qaydası ile keçirtmeyi lazım bildiler.
Gelin de babamın dostlarından birinin qızı idi, ele oldu ki, birinci elçi getdiler, sonra “he”sin alıb nişanladılar. Rayonda bu bir qayda halını alıb, kimi evlendirmek lazımdırsa, böyükler oturub fikirleşir, bir neçe neferi müzakire edir, axırda bir qerara gelirler. Yeqin ki, köhnelmiş adet-enenelerimizden olan bu da ne vaxtsa unudular, keçmişin acı xatirelerinden birine çevriler.
Ne ise, yol yaman uzanır. Hele iki saat yolumuz var…
* * *
Maşında bizim ailemiz – atam, anam, men ve menimle bir yaşda olan emim oğlu oturmuşdu. Bakıdan çıxanda iki maşın çıxmışdıq, emim öz maşınında, biz de öz maşınımızda. Ele yolboyu da dal-qabaq gedirdik ki, rayona eyni vaxtda çataq. Saat birde - rayona çatmağımıza texminen yarımsaat qalanda atam babama zeng edib, harada olduqlarını soruşdu. Babamsa toyun keçireleceyi evde – beygilde olduğunu dedi. Söhbet zamanı atam yarızarafat nahara ne olacağını da xeber aldı ve cavabında yaxşı plovun bizi gözlediyini öyrendi. Hamımız acmışdıq, ona göre de aldığımız bu xeberden olduqca şad olduq.
Tayları açılmış darvazanın qabağında bir-iki maşın dayanmışdı, etrafda ise çoxlu adam vardı. Ekseriyyeti beyin dostları ve xırda uşaqlar idi. Atam maşını darvazanın qabağında saxladı ve hamımız çöle çıxıb, darvazadan keçerek mağara daxil olduq. Içeride beyin özü, qardaşı ve dostları mağarı bezemekle meşğul idiler. Onlarla görüşüb hal-ehval tutduq ve mağardan çıxıb heyete girdik. Bütün qohum-eqraba burada idi. Bizleri görcek yaxınlaşdılar ve növbe ile öpüşüb-görüşdüler. Axırda bayaqdan intizarında olduğumuz rahatlıq ve bizi gözleyen plovdan dadmaq üçün eve girib, stol arxasında eyleşdik. Evde tanımadığım şexsler de vardı, çox güman qonşular idi. Hele eve girmemiş anamla bir neçe qadın görüşmüşdü ki, men onları heç tanımırdım, onlarsa ele menimle de öpüşüb-görüşmüşdüler. Nese, camaatla hal-ehval tutmağa heç hevesim yox idi. Bir azdan ise stola plov getirilecekdi.
Babam atamgilden yolu nece geldiyimizi xeber alırdı. Lakin ele bir neçe deqiqe keçen kimi babam yene köhne meselelerden söhbet açır, yene gah işığın, qazın verilmediyini, gah da tez-tez qan tezyiqinin qalxdığını söyleyirdi. Amma atamgil derhal söhbeti deyişir, beyin ailesinden gelin haqda, bir neçe gün bundan evvel keçirilmiş “qıztoyu” barede xeber alırdılar. Nise xalanın dediyine göre xınayaxdı olduqca yaxşı keçmişdi.
Az sonra stola yemek getirdiler. Iştahla yeyib üstünden armudu stekanda pürrengi bir çay içdik. Çay mene uşaqlığımı xatırlatdı. Doqquzuncu sinfe kimi burada oxumuşdum. O zaman hele rayonda - babamgilin böyük evinde yaşayırdıq. Bütün günü rayon uşaqları ile gedib stadionda futbol oynayır, axşam düşen kimi ise darvazamızın qarşısındakı böyük tut ağacının altına yığışıb, domino ve ya nerd oynayırdıq. Hemişe de yanımızda, bax, bele bir armudu stekan olardı ki, onun ne vaxt boşaldığını, ne vaxt doldurulduğunu hiss etmezdik. Ya görürdün anam, ya da qonşular elinde sini gelib, stekanlarımızı teze çay tökür, sonra bizim stolumuzun üstüne qoyub deyerdiler: “Çay için, terlemisiz”... Doğrudan da, rayon heyatının başqa lezzeti vardı. Hele Novruz bayramlarında bütün aralıq, yeni mehelle bir yere yığışardı. Qonşular bir-biri ile yaxın, mehriban idiler deye günlerimiz bir keçirdi. Adeten, Novruz bayramında böyük bir tonqal qalayardıq. Aralığın bütün camaatı tonqalın etrafına yığışıb söhbet eder, bacarıqlıları ise tonqalın başından hoppanıb o biri terefe atlanardılar… Amma sonra her şey deyişdi. Atam göz hekimi idi, ele oldu ki, bir gün Bakı xestexanaların birinde işleyen dostundan ona zeng geldi ve onu gözlemediyi halda orada işlemeye devet etdiler. Belelikle, men bu rayon heyatından qopub, çoxmertebeli yaşayış binaları ile dolu Bakıya düşdüm ve yavaş-yavaş şeher heyatına alışmağa başladım. Amma sözsüz ki, rayon heyatının xatiremde buraxdığı silinmez izler hele de qelbimde yaşamaqdadır.
Çayı içib bizimle bir yerde gelen emimoğlu Turalla o biri otağa keçdik ve heremiz bir çarpayının üstüne serildik. Memnuniyyetle, yatardım, beşsaatlıq yol adamı ele yormuşdu ki, başın ağrayır, hereket etmeye taqetin qalmırdı. Üzümü Turala teref çevirib dedim:
- Yaman yorulmuşam, ne yatardım.
- He, ele men de.
Bu vaxt beyin bacısı Gülnar bizim olduğumuz otağa girdi. O, menden bir yaş böyük idi, keçen il mektebi bitirmişdi.
- Ne olub, yatırsınız?
- He, Gülnar, ele yorulmuşuq ki. – Tural dedi –necesiniz?
- Bele de, Tural, sağ ol…
- Teze ne var, ne yox?
- Eh… Heç ne… Xeber sizdedir… hazırlaşırsız imtahanlara?
- He, hazırlaşırıq…
- Gülnar, bu il imtahan vermek fikrin var? – soruşdum.
- Isteyirem. Görek, hele Kerimgil razı olacaq.
- Gerek keçen il vereydin de. Heç olmazsa, keçseydin ele rayonda bir texnikumda oxuyardın.
- He, ne bilim, ağlım olmadı, hem de sizin bu qohumlarınız icaze vermediler.
- Yaxşı iş deyil de, indi hamı oxuyur. Sen de oxuyub müellimden, hekimden işleye bilerdin.
- He, deme, baxaq da, görek bu il nece olacaq.
- Qiztoyu, deyesen, yaxşı keçib, he? – Tural soruşdu.
- He, yaxşı çalğı olmuşdu, yaman oynayırdıq –gülümseyerek dedi.
- Indi sabah qız evinden toya adam gelecek?
- Ele de çox yox, ancaq atası, anası, bir de yaxın qohumları.
- He, görek, indi bizim toy nece olacaq. Emelli-başlı oynamaq lazımdır. - dedim.
- Kerim çölde? – Tural soruşdu.
- He, mağardadı.
- Ne ise, duraq.
Ayağa qalxıb, nahar etdiyimiz otaqdan keçib, çöle çıxdıq. Kerimgilin evlerinin metbexi bayırda idi. Indi de biz evden çıxanda metbexin qarşısından keçmeli olurduq. Turalla metbexin qapısında içerideki qohumlarla elüstü görüşüb hal-ehval tutduq. Içeride tanımadığım bir qız da vardı. Men onu evveller çox görmüşdüm. Nese ilk görüşden diqqetimi yaman çekdi. Gülümseyen gözleri vardı…
Sonra mağara girdik. Kerim ve qardaşı Tahir, bir de bayaq gelerken gördüyümüz dostları içeride idiler. Beyimiz yaman endişeli görünürdü. Deyesen, toy gününün yaxınlaşması onu yaman heyecanlandırırdı. O, her şeye diqqetle nezaret edir, çalğıçıların eyleşecekleri yerin arxasında asılmış xalçaya “Xoş gelmişsiniz” sözlerinin yazıldığı ve üzerinde iki üreyin tesvir olunduğu taxta lövheciyin düzgün qoyulmasını yoxlayırdı. Mağar ise seliqeli ve gözoxşayan tesir bağışlayırdı. Her terefden xalçalar asılmış, stollar sıra ile düzülmüş, nazik xalça serilmiş uzun oturacaqlarsa stolların kenarına qoyulmuşdu. Tavan mağarın bir ucundan o biri ucuna kimi bezekli perdeyle örtülmüşdü.
Men axırıncı defe rayona iki ay evvel, Novruz bayramını babamgille keçirmek üçün gelmişdim. Düzdür, bayram evvellerde keçirildiyi kimi möhteşem keçmedi: ne qapıları döyüb papaq atan oldu, ne de böyük tonqal qalayıb, üstünden atlanan. Deyesen, evveller bir yerde oynadığım, dostlaşdığım uşaqlar indi buralarda yox idiler, yeqin ki, bir çoxu başqalarına qoşulub, Rusiyaya işlemeye getmişdiler. Ne ise, ele o vaxtları Kerimgille de görüşmüşdüm ve ona göre de, indi menim üçün yeni qebul edilecek ele bir xeber yox idi. Lakin Tural artıq rayona iki ildir ki, gelmirdi, bu sebebden, Kerimle bu müddet erzinde baş vermiş hadiselerden, yeniliklerden söhbet edirdiler. Mağarda bir az var-gel edib, bayıra çıxdım ve qefleten adımı çağıran kiminse sesini eşitdim. Arxaya döndüm ve mene baxan çox tanış bir simanı qarşıladım. Bu sonuncu defe iki il evvel gördüyüm köhne sinif yoldaşım Cavid idi.
- Salam, salam. Necesen?
- Sağ ol, sen necesen, çoxdandır görünmürsen?
- He, ne var, ne yox?
Söhbet ede-ede darvazadan uzaqlaşdıq. Rayonda oxuyan zaman o, menim en yaxın dostum idi, günlerimiz bir yerde keçerdi. Amma Bakıya köçenden sonra artıq dostluğumuz da bitdi. Iki il bundan evvel rayona gelende onu ilk defe bazarın çıxacağındakı çayxanada görmüşdüm. Sonradan melum oldu ki, çayxana atasınınkıdır, özü de günortalar gelib, orada işleyir.
- Bu gün bir işin yoxdur ki? – soruşdum.
- Yox. Nedir ki?
- Belke, axşamterefi görüşek, sizin çayxananız durur?
- He, olar, çayxananı tanıyırsan de, bazarın gireceyinde sol terefde, axşam neçede gelsen, men orda olacam.
- Oldu, onda saat 7-de gelecem ora… Bura neye gelmişdin ki?
- Emimgile gelmişdim, Kerimgilin qonşularıdır. Gördüm, gelmisen dedim görüşem.
- He, sağ ol. Axşam saat 7-de gelecem.
- Helelik.
- Helelik.
Vidalaşıb eve qayıtdım. Darvazanın qabağında dayanan emim meni gören kimi babamgile getmeye hazırlaşdıqlarını dedi. Men de Turalın maşına mindiyini görüb, onlara qoşuldum.
* * *
Darvazanın qapısını açıb, içeri keçdim. Gözlerim qarşısında canlanan menzere meni valeh etdi. Heyetimiz füsunkar ve debdebeli görünürdü; cerge ile divarın kenarında ekilmiş ağ ve qırmızı qızılgüller, bağçada tumurcuq ve yamyaşıl yarpaqları ile bezenmiş heyva, gilenar, erik ağacları, göyermiş ve etirli qoxusu gelen alçaq otlar – her şey adama ele tesir bağışlayırdı ki, ele bil hansısa sirli bir aleme düşübsen.
Işıq yanmırdı. Özümüzle getirdiyimiz yükleri eve qoyub, eyin-başımızı deyişdik. Sonra emim yene Kerimgile qayıtdı, biz – men ve emim uşaqları ise evde oturub söhbet etdik. Çox keçmemiş Turalla Toğrul yorulduğunu deyib, yatmağa getdiler. Men ise heyete düşüb, bağda gezmeye başladım. Bu ev, heyet, bağ, ağaclar – her şey mene uşaqlığımı xatırladırdı. Bir anlıq gözlerimi yumub, özümü o dövrde hiss etdim: yene topu götürüb ora-bura vuracam, sonra tesadüfen pencereni sındırıb, axşam evdekilere hesabat vermeli olacam. Ve ya hele yetişmemiş, alçaya oxşayan göy gavalını derib nenemden gizlince yeyecem, neticede yaya ağacda bir şey saxlamayacam. Yadıma düşür, 5-6 yaşım olanda emim ve bibim uşaqları ile gizlenqaç oynamışdıq. Men gedib, artıq bir neçe ildir istifade edilmeyen ve üstü toz-torpağa batmış tendirin içinde gizlenmişdim. Uşaqlar ne qeder axtarmışdılar, meni tapa bilmemişdiler. Axırda men çıxmaq istemiş, amma boyum alçaq olduğundan bacarmamış ve elece orada ağlaya-ağlaya evdekileri kömeye çağırmışdım… Belke, bunlar decellik idi, belke de uşaqlıq. Amma etiraf edim ki, eger uşaqlığımı qaytarsaydılar, yene bunları edecekdim. Çünki onlar gelecek üçün – bu günüm üçün xatiremde qalacaq yegane izler idi…
Axşam saat 7-nin yarısı evden çıxdım ve bazarın gireceyindeki çayxanaya teref istiqamet aldım. Rayonda son illerde ele de böyük deyişiklik olmamışdı. Düzdür, bezi yerlerde, meselen, yeni binalar tikilmiş, yollar, sekiler berpa olunmuşdu, amma qaz ve işıq problemi hele de qalmaqda idi ki, bu da sakinlerin en mühüm narazıçılığına sebeb olan mesele idi. Rayonda bir çox evlerde cereyan yaradan müherriklere rast gelmek olardı. Meselen, babamgilin evinde de biri vardı. Ne vaxt ki, işıq sönerdi, onu işe salardılar, amma bunun bir menfi terefi var ki, yanacaq çox aparırdı. Ona göre de, esasen, dolanışığı orta seviyyede olan ailelerde bu qurğuya rast gelmek olardı.
Bütün bunlara baxmayaraq, rayonun ab-havasında nese bir yenilik vardı. Yaxşı, ya pis, bu yenilik neticesinde rayon ferqli görünürdü. Bir anlığa düşündüm, o zamankı rayon ile indiki arasında ne qeder ferq var? Ailemiz bura qayıtmalı olsaydı, men burada yaşaya bilerdimmi? Mence, yox, rayon ne qeder istesen de, kend heyatına oxşayan o sadeliyi daha eks etdirmirdi.
Cavidgilin çayxanası bazarın gireceyinde sol terefde ağaclığın içinde idi. Men ora yaxınlaşanda meni gördü ve görüşüme çıxıb, stolların birine devet etdi. Biz açıq havada oturduq. Etrafda yeddi – sekkiz stol vardı, hamısı dolu idi. Maraqlısı da o idi ki, bütün müşteriler çaydan içe-içe domino oynayırdı. Tesadüfi deyildi ki, bizim oturduğumuz stolun da üstünde domino qutusu vardı.
Cavid özü bir çaynik çay demledib getirdi ve stolun üstüne qoydu. Vaxtı ile rayonda çay deyende etirli samovar çayı yada düşerdi. Hardadır o günler?...
- Terlan neyleyir, görüb eleyirsen onu? – deye soruşdum, o da menim köhne sinif yoldaşım idi. Bizim sinifde 15 qız, 3 oğlan – men, Cavid, Terlan oxuyurdu.
- He, bazarda işleyir.
- Bazarda? Ne işle meşğuldur? – teeccüble soruşdum.
- Ayaqqabı satır.
Her halda, Cavidin cavabı ne olacaqdısa, mehz bu cavabı gözlemirdim. Çünki Terlan istedadlı oğlan idi. O zaman Azerbaycan dili müellimemiz bize evde müxtelif mövzular etrafında inşa yazmağı tapşırırdı. Yegane Terlan idi ki, növbeti ders gününde öz yazdığı yazını getirirdi. Bizlerse hemişe valideynlerimizin kömeyile bu tapşırığı yerine yetirirdik. Bezen ele cümleler qoşardı ki, meettel qalırdın. O vaxtı uşaqlarla söhbet edende deyirdik ki, sinfimizden bir adam çıxacaqsa, o da Terlan olacaq. Here ona bir peşe yaraşdırırdı, mense, onun meşhur yazıçı olacağını sanırdım. Aramızda ayaması “dahi” idi, o ise ayaqqabı satan olmuşdu.
- Qızlar necedirler? – soruşdum.
- Yaxşı.
- Bu il imtahan vereceksen?
- Men… yox, heç bu il mektebe emelli-başlı getmemişem. Heftede bir-iki gün, ele bele, bir-iki derse girib-çıxıram. – utanmış kimi dedi – düzü, heç yaxşı ders de keçmirler, müellimelerin hamısı savadsızdır – deye özüne haqq qazandırmağa çalışdı.
- Terlan da getmir derse?
- Yox, o da getmir.
- ….Cavid, yadında bir defe biz ikinci bölmede oxuyurduq, altıncı dersden sonra eve gedende gördük ki, qapılar bağlıdır, yadında?
- He, ele bilmişdiler mektebde adam yoxdur, bizleri yaddan çıxarmışdılar.
- O, yox, sonra geldik, axı, hamımız pencereden çıxaq çöle. Onda men müellimenin ayağının altına stul qoydum ki, pencereden düşsün aşağı. Amma ayağını stula qoyan kimi menim gücüm çatmadı, müellime yıxıldı yere. Yadında?
- He, he - güle-güle cavab verdi.
- Sevil müellime idi de onun adı?
- He, amma indi o, bize ders demir, ere gedib. - Cavid bizden beş-altı metr aralıdakı stolda oturan bir oğlanı gösterib dedi – Onu görürsen?
- Aha.
- O, Nerminenin nişanlısıdır.
- Kimin?
- Bizimle bir sinifde oxumurdu? Ifrite deyirdik.
- He, he.
- Bax, onun nişanlısıdır. Iki hefte evvel nişanı oldu.
- Yaxşı sen de. Zarafat edirsen?
- Vallah yox.
- Uşaq idi, axı, o.
- Uşaq niye olur, 17 yaşı var.
- He… - çaydan bir qurtum içib soruşdum – Bes, sinifden heç kes bu il imtahan vermeyecek?
- Iki nefer. Şahmar hekimin qizi Zeyneb ile Aynure. Amma ola biler, başqaları da versin, mektebe getmirem deye deqiq bilmirem.
Bu vaxt elinde ağ zenbil, balaca, ele de çox kök olmayan suyuşirin bir oğlan gelib bizimle salamlaşdı.
- Qaqaş, gel otur, çay iç. – Cavid dedi ve o da öz növbesinde stulun birinde eyleşib, elindeki ağ zenbili yere qoydu.
- Bu Qaqaş, menim dostumdur. Yaxşı oğlandır. - sonra yene üzünü ona tutub dedi. - Qaqaş, bu oğlan menim sinif yoldaşımdır, indi Bakıda yaşayır.
- Adın nedir? – soruşdum.
- Qaqaş, esl adım Orxandı. – şirin bir terzle deyib yere qoyduğu ağ zenbilden bir ovuc günebaxan tumu çıxartdı ve heremizin qabağına bir az qoyub “alın çırtdıyın” dedi.
- Tum satırsan?
- He.
- Neçe yaşın var?
- On bir.
- Mektebe gedirsen?
- He.
- Neçenci sinfe?
- Beşinci.
- Yaxşı oxuyursan?
- Bele de.
- Böyüyende neçi olmaq isteyirsen?
- Heç ne.
Qaqaşa bir az baxıb fikre getdim. Rayonda bu uşaq kimileri az deyildi. Qarşıda heyatın ne hazırladığını bilmeyen ve heç düşünmeyen insanlar idiler onlar. Gelecek anlayışı tefekkürlerinde qorxulu bir şeydi. Sabahlarından soruşanda gözler aşağı enir, ehval korlanır, demeye söz tapa bilmirdiler…
Qaqaş üfüre-üfüre telesik çayını içib bizi terk eledi ve biz de axşama kimi Cavidle söhbet edib, ordan-burdan danışdıq.
* * *
Seher tezden babamın sesini eşitdim.
- Oyanın, gedirik.
Ne oyanmaq? Vallah, ele yatmışdım ki, gözmü de açmaq istemirdim. Hemişe Bakıda seher saat 7-de cib telefonumun zenginin sesi gelende ayağa qalxmaq istemirdim. Indi de babam saat 7-de bizi oyandırmışdı. Amma ne men, ne de emim uşaqları yerinden terpendi. Biz düz saat yarımdan sonra - 9-un yarısında babamın növbeti “oyanın ta, gedirik” çağırışından sonra ayağa qalxdıq.
Babam bizim xetrimize seher tezden bazara gedib yuxa ve qaymaq alıb getirmişdi. 10-15 deqiqeye seher yemeyimizi yeyib aşağı düşdük ve maşına minib bey evine yollandıq.
Darvazanın qabağında şüşetemizleyenine qırmızı lent bağlanmış çoxlu avtomobil vardı. Fikirleşdim ki, yene tanış-tunuşla görüşmeli olacam. Maşından düşüb içeri girdik ve qabağımıza çıxanlarla öpüşüb-görüşdük. Heyetde kifayet qeder çox adam vardı, nece deyerler iyne atsaydın yere düşmezdi. Bir müddet bu qelebelikde herlenib, mağara keçdim. Amma gerek telesmeyeydim, bele ki, içeri giren kimi herenin bir işle meşğul olduğunu gördüm: kimisi stolun üstünü silir, kimisi boşqabları düzür, kimisi xörek desmallarını bir-bir boşqabların yanına qoyurdu. Ve, beli, ele meni görcek, mene de iş tapşırdılar. Artıq yarımsaatdan sonra her şeyi yerbeyer edib qurtardıqda Bakıda restoranda işleyen qohumumuz Süleyman bize bir peşekar, bu işe yaxşı beled olan şexs kimi gösteriş vermeye başladı. Sen deme, toy vaxtı biz qonaqlara xidmet etmeli olacaqmışıq. Xeyli uzun çeken müzakirenin sonunda aydın oldu ki, men ve digerleri toy vaxtı, qonaqlar mağara teşrif buyurub eyleşende yemekle dolu boşqabları bağdan (orada xörek bişirilirdi) alıb bura getirmeli, Süleyman ve başqaları ise onları qonaqların qarşısına qoymali idiler.
Saat 10-da gedib gelini getirmek lazım idi. Amma nedense bizimkiler yubanmışdılar ve artıq 11-in yarısı idi. Tezlikle, hamı maşınlara mindi ve yolboyu siqnal vere-vere, biri digeri ile yarışa çıxmış kimi süretle maşınları sürmeye başladılar. On-on beş deqiqeye qız evine çatdıq. Maşınlari evin qabağında saxladıq, “oğlan evi” – yeni bizimkiler içeri keçib, heyetde - eve qalxan pillekenlerin aşağı terefinde dayanmış, ellerinde nağara, tütek tutan çalğıçıların müşayietile vurçatlasın meclisi qurdular ve hamı reqs etmeye başladı.
Cavanlardan hele meydana girib reqs eden yox idi. Herçend bilirdik ki, çox keçmemiş bizi de devet edecekler. Düzdür, ilk önce etiraz etdik, amma Elbrus eminin 4 ildir reqs derneyine geden Turalın kiçik qardaşı Toğrulu çağırmasından sonra biz de meydana girdik. Toğrul doğrudan da, gözel reqs edirdi, hetta deyerdim ki, biz ona qibte de etdik. O, arada bir mahnı sifariş edib, tek oynadı ve biz de onu alqışladıq.
O qız da orada idi. Eynine tünd qırmızı rengde don geymişdi, bu, ona çox yaraşırdı, lap babamgilin bağlarındakı qızılgülleri xatırladırdı. Herden üzümü ona teref çevirir ve bu anda baxışlarımız görüşürdü. Deyesen, ondan xoşlanmışdım ve o da bunu hiss etmişdi…
Çalğı qurtardı, beyi toy maşınından çıxarıb eve apardılar ve bir neçe deqiqeden sonra o, gelinle birlikde pillekenden ehalinin “mübarek olsun”, “qoşa qarısınlar”, “oğullu, qızlı olsunlar” şüarları altında yavaş-yavaş enmeye başladı . Sonra her ikisi toy maşınında oturdu ve bu defe növbeti ötüşmemizi edib bey evine yollandıq. Ötüşme zamanı 5-6 maşın tedbirin mahiyyetini unudub, menzil başına toy maşınından tez çatmışdı.
Heyetde gelinin gelişi şerefine qurban kesildi, ardınca pillekenlerde ayağının altına boşqablar düzüldü, o da öz növbesinde meharetini gösterib onları bir-bir sındırdı. Biz ise artıq işe başlamışdıq. Süleyman bize gösteriş verir, biz de yemekle dolu boşqabları bağda aşpaz xanımlardan alıb mağara getirirdik. Kerimgilin evlerinin düz qabağında hemin bu kiçik bağ vardı. Bu bağın bir terefine üç böyük qazan qoyulmuşdu ki, heresinin de içinde dolma buğlanırdı. Biz sinilerle bu qazanların yanında oturmuş qadınların yanına gelir, onlarsa boşqablara dolma çekib sinilere qoyurdular. Bağın diger terefindese iki böyük manqal vardı. Birinde tike kabab, digerinde lüle kabab bişirilirdi. Bundan elave, daha iki böyük qazan da vardı ki, bişirilmişleri – tikeni birine, lüleni digerine qoyurdular. Bağın başqa bir yerindese qessab bayaq gelinin qabağında kesilmiş qoyunun derisini soyurdu.
Hamı işleyirdi. Biz - oğlanlar elimizde sini, boşqabları mağara apardığımız kimi, qızlar da öz növbelerinde boşqabları eve – qadınların oturduğu stola aparırdılar. Men onu yene gördüm. Nedense ele olurdu ki, bağa ikimiz de eyni vaxtda girir, tez-tez qarşılaşmalı olurduq. Könlümden ona bir söz demek keçirdi. Amma bu qeder camaatın içinde deyilecek bu söz ne olacaqdı ki? Salam, necesen ? Yox, bu nece de axmaqcasına deyilmiş sözler olardı, ona ne demeliydimse, bu hem yerinde işlenmiş, hem de tebii seslenmeli idi.
Bir defe bağa girende onun çıxdığını gördüm ve kenarda dayanıb “buyurun” dedim. O, heç ne demedi, hetta özünü ele apardı ki, guya bir şey eşitmeyib. Amma bu kiçik, cavabsız söhbetim meni o qeder rahatlamışdı ki, özümü suda balıq kimi hiss edirdim. Her şey olduqca gözel gedirdi.
Işlemekden yoruldum. Amma sinini kenara qoyub oturmuşdum ki, Süleyman görüb yeniden işlemeye çağırdı. Qonaqlar da qurtarmaq bilmirdi, biri gedirdi, biri gelirdi. Özüm de acmışdım, her defe bağa gelib sinideki boşqablara kabab qoyduqlarında meni ter basırdı. Axı, ac olasan, qabağında da isti-isti yenice bişmiş kabab ola... Ne ise, arada kinaye ile gedib Kerime deyirdim ki, men de ele bilirem toya gelmişem.
Nehayet, saat dördde qonaqlar yavaş-yavaş çıxıb getdiler. Mağara girib uşaqlarla stol arxasında oturduq ve bayaqdan bize acıq verib üzümüze gülen dolmadan, kababdan dadmağa başladıq. Bu vaxt başqaları çalğıçıların qarşısındakı stolları götürüb çöle aparırdılar. Amma sonda biz de zehmet çekib ayağa durduq ve onlara kömek etdik. Bir qeder keçmiş müğenni eline mikrofonu alıb, bir-iki xoş söz söyledi ve ardınca növbe ile mikrofonu eline götüren şexsler de tebrik deyib, musiqi sifariş etdiler. Get-gede ara qızışırdı ve qadınlar da bundan istifade edib, mağara daxil olurdular.
Biz mağarı ele qurmuşduq ki, çalğıçıların qarşısında geniş meydan yaranmışdı. Stolların her iki terefine qoyulan oturacaqları yanaşı qoymuşduq, stolları ise mağarın arxa terefine – darvazanın yanına aparmışdıq. Neticede, çalğıçıların qarşısındakı meydanın her iki terefinde qabaq-qabağa qoyulmuş paralel oturacaqlar vardı.
Qadınların içeri girdiyini görüb çöle çıxdım ki, otursunlar. Heyetde bir az var-gel edib, geri qayıtdım ve mağarın gireceyinde dayanıb, reqs edenlere tamaşa etmeye başladım. O da orada idi, Gülnarla yanaşı oturmuşdu. Men tez-tez üzümü başqa terefe çevirir, başqalarının ona bele çox baxmağımı görmelerini istemirdim. Birden gözlerim onun arxasında oturmuş Anara sataşdı ve celd gedib onun yanında eyleşdim. Bu an özümü narahat hiss etdim ve bugünkü hereketlerim: ona baxmağım, daha yaxın olmaq üçün gelib burada oturmağım – hamısı meni mühakime edirlermiş kimi gözlerim önünde peyda olub canlandı ve qeyri-ixtiyari özüme sual verdim:
- Sen bu qızdan ne isteyirsen? Nedir, ilk baxışdan vuruldun ona? Axı, özün bilirsen, bu saat sene sevgi lazım deyil. Senin böyük planların var, yadında? Indi ne oldu, O, senin bütün meqsedlerini bir günlüye unutdurdumu, yoxsa?
- Bilmirem, onda nese var, meni özüne celb edir…
- Yox, dostum, sevgi boş şeydir… Oskar Vayldın sözlerini xatırla: insan birisini sevende birinci özünü aldadır, sonra başqalarını ve insanlar da buna sevgi deyirler. Axı, sen hemişe bu sözlerle razılaşmısan, indi nedir, nolub sene? Özünü ele al. Sabah qayıdırsan Bakıya, ne göz qoymusan ona?
Üzümü Anara teref çevirib, sakit sesle soruşdum:
- Anar, bu qız kimdir?
- Nedi ki?
- Lazımdı.
- Elbrus dayının dostunun qızıdır.
- Onu evveller çox görmüşem, axı.
- Hem de qonşularıdı.
- Bilmirsen, neçe yaşı var?
- Neye göre soruşursan, xoşuna gelir?
- Neynirsen e, de görüm, neçe yaşı var?
- Mektebi keçen il qurtarıb.
Keçen il? Demeli, menden hardasa bir yaş böyükdür.
- Bes, adı nedir?
- Ay kişi, neynirsen?
- Eyyy… de de.
- Adı Çinaredi.
Anar güman ki, düz deyirdi, çünki, Kerimin xalası oğlu idi ve rayonda yaşayırdı.
Bu arada, toy davam edirdi; şabaşlar verilir, oyun havaları çalınırdı. Men hele heç bir toyda çalğıçılara bu qeder pulun verildiyini görmemişdim. Camaat araqdan, piveden içmiş, indi de ele elini atır cibine, pul çıxardıb stolun üstüne qoyur ve musiqi sifariş edirdi. Çalğıçı da ki, maşallah, pul gördükce gözü pul deyirdi. Onun bu balaca göy gözleri meni yaman esebileşdirirdi. Bir defe oxumuşdum ki, göy rengli gözlerin gipnoz etmek qabiliyyeti var. Indi bilmirem bu ne qeder düzgündür, amma, deyesen, ele o göy gözlerdir, camaatı pul xerclemeye mecbur edir.
Musiqinin sesinden tenge gelib, bayıra çıxdım ve heyetde dövreye durub, söhbet eden qohumlarla çeneleşdim. Mene ünvanlanan suallar o qeder yorucu idi ki, onlara cavab vermek taqetimi alırdı. Çünki bu sualları bir neçe deqiqe evvel başqası vermişdi, ondan da bir qeder evvel başqası. Qohumları anlayıram, beli, Bakıdan gelmişem, hamı maraqlanır ki, imtahanlara nece hazırlaşıram, hansı fenlerden hazırlığa gedirem ve ya bir hefte evvel keçirilmiş futbola getmişdimmi, orada yığmamızla oynayan Avropanın en meşhur futbolçularını görmüşdümmü ve s. bu kimi suallar. İçlerinden birce Anarın böyük qardaşı Elvinle danışmaq maraqlı idi. Çünki hem görünüşü (gülende yumuru burnu şar kimi ele şişirdi ki, sirkdeki kulonlara oxşayırdı), hem de danışığı gülmeli idi. Ağzından söz çıxan kimi, yene bizi güldürecek söz deyeceyini sanır, sözünü qurtarmamış artıq gülmeye başlayırdın. Herden de ele olurdu ki, danışdığı adi bir hadise olurdu, amma ele bir mimika alırdı ki, bu senin özünden gedib doyunca gülmeyine bes idi. Özünün 23 yaşı vardı, rayondakı yegane texnikumda kitabxanaçı işleyirdi. Her defe özünden ora nece gedib düşdüyünü soruşanda, bize yerindece bir nağıl uydurub danışırdı. Gah deyirdi ki, müellimlerden biri onu parkda kitab oxuyan görüb işe devet edib, gah da deyirdi ki, ne bilim, texnikumun qabağından keçirdim, mene bir nefer yaxınlaşdı, ele dedi ki, kitabxanaçi işlemek istemirsen, men de razılaşdım.
- Hazırlıq nece gedir? – soruşdu.
- Yaxşıdır, sağ ol.
- Sizde de qrupdur, he?
- Yox, men tek gedirem.
- Hamısına?
- He. Evvel birinde dörd nefer idik, sonra çıxdım, tek getdim.
- Onun ferqi var? Bizde bir oğlan vardı, keçen il hazırlığa tek gedirdi. Ele oldu ki, 5-6 neferlik qrupda olanlar ali mektebe girdi, bu girmedi.
- Yox, bilirsen nece, hem de uşaqdan asılıdır, axı. Müellim yazıq neylesin. Meselen, men ona göre tek gedirem ki, bu vaxt adam özünde daha çox mesuliyyet hiss edir. Ele bil ki, qrupda adam çox olanda fikirleşirsen ki, tapşırığı oxumasam da olar, men cavab vermerem, yanımdakı cavab verer. Amma tek olanda, hele şey olmur, bilirsen ki, müellim ancaq senden soruşacaq. Amma tek keçende de müellim özünde az mesuliyyet hiss edir.
- He, düz deyirsen… Hansı fakülteni istiyirsen? Sende de humanitardı?
- He, inşallah, “Beynelxalq elaqeler”-i istiyirem.
- Inşallah. Sen, amma, o fakülteleri yazanda diqqetli ol ha. Rayonda biri vardı, götürüb sehven axırıncını meşebeyi fakültesini yazmışdı. Ele oldu ki, az bal yığdı, girdi ora. Indi de meşebeyi olacaq… - gülerek dedi - Hele, sen Cemilin ehvalatını eşitmisen?
- Yox. Nolub ki?
Demeli, bu, axı, mektebde yaxşı oxuyurdu, riyazıyyatı filan ela bilirdi. Ta, Allaha and olsun, bütün günü oxuyurdu, gece saat 3-de dururdun ki, oturub qonaq otağında kitab oxuyur. Axırda o qeder oxudu ki, indi de çeşmey taxır. Sözüm onda deyil. Indi hemin vaxtlardı, hazırlığa da gedib-gelir. Ne ise, gecedir, yatmışam otağımızda. Nese hiss eledim ki, ses gelir, gözümü açdım. Bir de gördüm, Cemil durub yanımda. Gözleri de bağlıdı, ayığ adama oxşamır. O saat bildim ki, yene yuxulu evde gezmeye çıxıb. Nese hirsdi-hirsdi qayıtdım ki, nedi, Cemil? İndi ele bil bu da deyir, gelmişem. Soruşuram ki, neye gelmisen? Qayıda ki, gelmişem başının diametrin ölçem. And olsun Allaha, meni bir gülmek tutdu. Ta yastığı soxmuşam ağzıma, gülmekden gedirem, axırda gücle dedim ki, yaxşı Cemil, get yat, sabah ölçersen. Indi seher durub gelmişem yanına ki, ede, o dünenki neydi hele. Deyir, nolub ki? Deyirem, bundan artıq nolacaq. Sonra buna her şeyi danışmışam. Bu da and-aman edir ki, vallah bilmirem, yuxulu olmuşam.
Elvin danışanda xeyli güldük. Lap yanaqlarımız ağrıdı. Sonra Elvinden soruşdum:
- Amma, halal olsun, 621 balla girdi Universitete.
- He, o da öz xeyrine. Düzü, deyirem, indi o geceler eziyyet çekmeseydi, heç ne yaza bilmeyecekdi.
- Sözsüz, kim ki, eziyyet çekir, xeyrin görür.
Sözümü deyib qurtaranda mağarda oxunan mahnının sözleri mene tanış geldi ve qulaq asdıqda keçen ilin yay aylarında yenice çıxan, o zaman heç kimin dilinden düşmeyen mahnını xatırladım. Neqaret hissesinden xoşuma gelirdi, xoş seslenirdi: “O qara gözlerinin qemzesi yandırdı meni, o gül yanaqlarının busesi yandırdı meni”. Fikirleşdim ki, bir azdan yene bu mahnını sifariş edib, bir teher de olsa, onu reqse devet edim. Eger onunla oynamaq heç alınmazsa da, onsuz da özü başa düşecekdi ki, bu mahnını onun üçün sifariş etmişem. Mağara girib Çinare ile üzbeüz, girişin yanında oturmuş nenemin yanında eyleşdim.
Tez-tez ona baxırdım. Herden de neneme suallar verir, reqs edenlerin kim olduqlarını soruşurdum. Birden meclisin şirin yerinde işıq söndü, deyesen, bayaqdan cereyan yaradan müherriyin yanacağı qurtarmışdı. Bu vaxt Anarın Gülnar ve Çinarenin yanında oturub onlarla söhbet etdiyini görüb, ayağa qalxdım ve onların yanına geldim.
- Gülnar, hansı mahnını isteyirsiniz sifariş edim? - Gülnarın qabağında durub soruşdum.
- Mahnı sifariş etmek isteyirsen?
- He.
- Yox, çox sağ ol.
- Ferqi yoxdur, birin sifariş edecem, siz hansın isterdiz?
- Ne bilim, sen hansını istiyirsen, onu sifariş ele.
- Yox da, sizin xoşladığınız mahnı olsun ki, hamımız oynayaq. – bu sözleri deyerken o, düz menim üzüme baxırdı, amma men cüret edib, ona baxa bilmirdim.
- Onda “xalamqızı” olsun. - Gülnar bir az fikre gedib dedi.
Bu mahnını bu gün toyda düz üç defe eşitmişdim. Kimin xalası qızı vardı, bu mahnını sifariş edib onunla oynayırdı. Indi de Gülnar bu mahnını isteyirdi.
- O mahnıya ne qeder qulaq asmaq olar, başqasını de. – etiraz ederek dedim.
- “Emimqızı”… - gülümseyerek dedi - yaxşı mahnıdır.
Öz-özüme fikirleşdim, deyesen, bunların istediyi mahnı ancaq bele şey olacaq - emimqızı, xalamqızı, dayımqızı… Ya da ki, Gülnar meni dolayır…
- Yox, sen de, bele mahnı olmasın.
Gülnar guya nese vacib bir şey fikirleşirmiş kimi fikre getdi. Bu vaxt üzümü Çinareye teref çevirib soruşdum.
- Sen ne isteyirsen?
Qız çaşdı. Yeqin ki, gözlemirdi. Hem de sualı ele verdim ki, ele bil, uzun illerdir bir-birimizi tanıyırıq.
- Men? – teeccüble sual verdi ve gülümseyen gözler razılıqla – bilmirem – dedi.
Hardasa beş deqiqe keşmiş işıq yandı. Axır ki, Gülnara hansı mahnını sifariş etmeyi düşündüyümü bildirdim, o da, Çinare de etiraz etmediler. Tamada-müğenni yeniden şabaşların sifariş etdiyi növbeti mahnını oxumağa başladı ve men de reqs edenlere maneeçilik töretmemek üçün gedib mağarın gireceyinde dayandım ve reqs edenlere tamaşa etmeye başladım. Anar da yanımda idi, pulu ona verib, mahnını sifariş etmesini istedim.
Bu vaxt maraqlı hadise baş verdi. Kerimin dayısı mikrofonu götürüb, özünün sevgi haqda yazdığı şeiri dedi. Şair idi ve bu güne kimi bir neçe şeir kitabı çapdan çıxıb. Amma ondan sonra mikrofonu eline alan tamada-müğenni nedense şeiri Semed Vurğunun yazdığını dedi ve sonra onun bele gözel şeirler müellifi olduğunu söyleyib terifledi. Kerimin dayısı ise özünü sındırmayaraq pert-pert mağardan çıxdı.
Aradan bir qeder keçmiş Anarın müğenniye yaxınlaşdığını ve ona verdiyim pulu musiqiçilerin oturduqları stolun üstüne qoyduğunu gördüm. Amma mahnı hardasa bir saatdan sonra oxunmağa başladı. Men sifariş vermişdim, demeli, men de reqs etmeli, istediyim şexsleri reqse devet etmeli idim. Birinci, Anarla Toğrul orataya düşdüler. Men de gedib, Gülnargili reqse devet etdim. Ne ise, başladıq oynamağa. Evvelce, Gülnarla reqs edirdim, amma fikrim Çinarede idi. Fikirleşirdim ki, nese edib onunla oynamalıyam. Reqs ede-ede özüme lazım olan meqamı yetişdirdim: Toğrul ortaya girib Gülnarla oynamağa başladı, men kenara çekildim ve Anarla oynayan Çinarenin yanına geldim, sonra bir fend işletdim ve Çinare ile üz-üze geldim. Men ve O – reqs edirdik, gülümseyirdik…
…Mahnı sona çatdı, sonra başqası başladı. Biz hele de reqs edirdik, arada men yene Gülnarla oynayır, lakin sonra yeniden Onunla qarşı-qarşıya dayanırdım. Birden oynadığım vaxt qolumdan kimse berkden dartdı, geri çekildim. Tural ağzını qulağıma tutub, tez-telesik dedi:
- Nene deyir, o qız nişanlıdı, oynama onunla, gel beri.
Ne? Ne deyir bu Tural? Ne deyir nenem? Kim? Bu? Belke, nene sehv salıb? Menden bir yaş böyük olan bu qız? Yox, Nermine! O da… axı, o, hele heç mektebi qurtarmayıb! Axı, nece ola biler bu? O, axı…
- Hele çıxmaq olmaz. Oyna! – üzümü Turala tutub dedim.
Sanki bir derinliye düşürdüm. O derinliye ki, orada boğulacaqdım. Ele bilirdim, bu saat mene mağarın her yerinden tuşlanmış gözler baxır. Onun anasının, qaynının, qonaqların – hamının. Yox, özünü itirme, bu axı heç ne idi. Sen, sadece, onunla reqs edirdin. Reqs edirdin? Yad bir insan, Bakıdan gelmiş ve kiminse nişanlısı ile?
Insanların üzüne baxmaqdan çekinirdim. Fikirleşirdim ki, ele indice kimse meni qırağa çekecek ve ağzına geleni üzüme deyecek. Amma yox, heç kes bir söz demedi. Mahnı qurtardı, Turalla celd çöle çıxdıq.
- O qız nişanlıdır?
- He, siz oynayanda nene dedi.
Hirslendim, amma artıq bu ağlasığmaz meğlubiyyetle barışmışdım. Her şey bu ifadeden başlayırdı – o nişanlı idi, o da öz valideynlerinin, qohumlarının qurduqları oyunun bir parçası idi, nece ki, ele Onların da heyatı bu oyun üzre qurulmuşdu. Bütün xoşbextliyi, heyatı Onların serancamına buraxmaq…
Darvazadan çöle çıxıb, tek-tenha gezmeye başladım. Her teref zülmet qaranlıq idi, içimde, qelbimde bir etiraz baş qaldırdı: yandırın bu işıqları!... Onu görmek isteyirdim. Yanımda olardı, sadece, söhbet ederdik. Her şeyden. Belke de, menim üçün bes olardı. Bilerdim, nece insandı, heyat üçün hansı planları var, hansı arzularla yaşayır. Amma teessüf ki, bu arzular öz böyüklüyü qeder elçatmazdılar.
Yarımsaat idi ki, bu çiskinlemeye başlayan havada boş-bekar gezirdim. Xecalet çekirdim, geri dönmek mene ancaq meyusluq bexş edecekdi. Bu an telefonumun zengini eşitdim. Tural idi, deyirdi ki, “bey terifi” başlayır, gelim mağara. Bir neçe deqiqeden sonra qayıtdım ve yene nenemin yanında, onunla üzbeüz oturdum. Meni görende, sanki, gözleri parıldadı, deyesen, bayaqdan haraya getdiyimden nigaran idi. Mense onun baxışlarına cavab olaraq, sadece, gülümsedim ve üzümü yana çevirdim. Mene baxmasını istemirdim…
Bey terifini yadımda qaldığı qederile indiyenedek bir defe görmüşdüm. Onda da yazımın evvelinde qeyd etdiyim, toy vaxtı yağış yağan toyda olmuşdu. “Bey terifi” dediyim hisse başlayan kimi, bütün meclis iştirakçıları bir yerde qerar tutdu, beyse öz dostları ile çalğıçılarla qabaq-qabağa oturdu. Müğenni evvelce mersiyeye oxşar uzun, yanıqlı bir muğam oxudu. Sonra beyin qardaşı onun yanına gelib qohumların, tanışların adını qulağına demeye başladı, müğennise bir-bir adları eşitdikce “bey terifi” bayatlarını oxuyur, sonda “indise gelib xelet versin, filankes” deyirdi. Bu filankeslerin adları çekildikce yerinden durub, çalğıçıların arxasında oturduqları stolun üstüne xelet evezine pul qoyurdular. Axırda beyin özünün terifi edildi ve o da öz növbesinde müğenniye “xelet” vermeli oldu.
“Bey terifi” qurtardıqdan sonra mahnı çalındı, bey ayağa qalxdı ve hamı ile bir-bir reqs edib, qonaqların ehatesinde mağardan çıxdı. Menim gözüm Onda idi…
…Camaat mağardan çıxanda onu itirdim… o, çoxdan getmişdi…
Meyus halda heyetde hereketsiz dayanmışdım. Kimisi yorulub stulda oturur, kimisi vidalaşıb gedirdi. Biz de bir azdan yene hamıyla görüşüb, bey evini tebrik etdik ve darvazanın qabağında atamın saxladığı maşına minib eve qayıtdıq.
Işıqlar sönmüşdü. Nenem çıraq yandırdı ve çıraq işığında oturub bugünkü günün teessuratlarını bir-birimizle bölüşdük. Men hele de onu düşünürdüm…
* * *
Seher saat ona yaxın babam bizi oyatdı. Seher yemeyini yeyib, çantalarımızı götürdük ve heyete apardıq. Anam bağdakı qırmızı qızılgülleri görüb, bir neçe açılmamış qönçeli budaqlardan kesib götürmemi istedi. Gedib nerdivanı getirdim ve elimdeki bitki üçün olan xüsusi qayçı ile bir neçe budaqdan kesib torbaya qoydum. Bu vaxt evin qapısında görünen Tural emime dedi:
- Ata, cib telefonumun adaptoru Kerimgilde qalıb.
Inanmadım, biz yene ora gedecekdik, yene onu görecekdim… sonuncu defe.
Gizlince ovuc boyda kiçik bir qönçeni elimle qırıb gödekçemin cibine qoydum. Babamgille sağollaşıb maşına mindik ve bey evine yollandıq. Darvaza yene de taybatay açılmışdı. Maşından düşüb mağara keçdik. Mağarda beyimiz ve qardaşı söhbet edir, Gülnarsa yeri süpürürdü. Bir-bir görüşüb mağardan çıxdım ve heyete keçdim… Birden Onu gördüm, o da meni. Üzüme baxanda gülümsedim, o ise gözlemirdi, utanan kimi oldu. Heyetdeki stolun üstünden iki çirkli stekan götürüb aralıdakı krantda yumağa başladı. Krantın üstünde ayna vardı ve men o aynadan ona baxmağa başladım, o ise heç başını da qaldırmırdı. Amma ona baxdığımı hiss etdiyinden emin idim. Her ikimiz bir şeyi çox gözel bilirdik, bu görüş bizim son görüşümüz idi…
Guya bağa baxmaq üçün geri döndüm ve indi de hiss etdim ki, o, mene baxır. Deyesen, o gözler menimle heç görüşmek istemirdi. Aramızda 5-6 metr mesafe olardı. Birden metbexden çıxan Anarı gördüm ve ona daha da yaxın olmaq üçün Anara teref getdim.
- Gedirsiniz? – Anar soruşdu.
- He.
- Qal da, ne var Bakıda?
Bu vaxt Çinare nese dedi. Yaxşı eşitmedim, amma Anara nese dedi. Ele bu barede idi, ya dedi ki, sen niye getmirsen Bakıya, ya da ne bilim, dedi ki, burda ne var qalacaq. Hem de bunu qesden dedi. Bu da bir fend idi, eyniyle dünen menim etdiyim fendler kimi.
- Onsuz da, yayda yene gelecem – dedim.
Bu ise menim fendim idi ve Anara deyil, mehz ona ünvanlanmışdı. Amma ki, heç bir menası yox idi.
- Gelin, gedirik. – atamın sesini eşitdim, bu zaman adaptoru götüren Tural da evden çıxıb Çinare ile sağollaşdı ve Anarla birlikde mağara girdiler.
…Qalmışdıq tekce, men ve o. Heç ne demedim, cüret ede bilmirdim.
O, hele de stekanları yuyurdu. Deyesen, artıq temiz idiler, sadece, geri dönüb menimle üzleşmek istemediyinden hele de krantın altına tutmuşdu.
Atam meni de çağırdı. Vaxt mehdudiyyetini nezere alıb, bayaq onun stekanları götürdüyü stola yaxınlaşdım. Stolun bir terefinde yuyulmuş, diger terefinde yuyulmamış stekanlar vardı. Gödekcemin cibinden qızılgülü ovucumun arasında gizlede-gizlede çıxardıb, stolun üstüne qoydum. Sonra geri döndüm ve mene baxan gözleri aynadan gördüm. Yene gülümseyib, heç özüm de eşitmediyim sesde, dilimin altında yavaşca “sağ ol” dedim ve çöle çıxıb maşına mindim.
Texminen, beş saatdan sonra Bakıya çatdıq. Bu vaxt şehere yağış yağırdı, şimşek çaxırdı…
Semed Seferov
Iyun 2005
Bakı